Rowwen Hèze - Twieje Wurd lyrics

't Durp is stil, 't liek verloate

't rimpelt in 't oavendlicht

hugstens 'n paar minse proate

deure dreie langzaam dicht

't Durp is muuj, 't is verslage

't durp det verloor vandaag

verloor mier dan 't kos verdrage

't waas teveul wat 't zaag

Heej stond midde in 't leave

alles wat 'ie zei en doch

doar ging genne weg an neave

heej hasj an twieje wurd genog

't Durp woar 'ie waas geboare

dat bouwde 'ie met elke stien

det durp het vandaag verlore

't durp is vandaag allien

vur idderien din os is veurgegoan

vur idderien din alles het gegeave

enne gojje mins blieft altied leave

'n Leave lang de moeiste kleure

gerimpeld in 't oavendlicht

dat bield dat kos vur iewig deure

de zon, de wind in zien gezicht

't Durp mot opnie beginne

't wil allien mar troest en tied

't durp blieft vurluupig binne

't durp is zichzelf kwiet