Qntal - Un Vers De Dreyt Nien lyrics

Farai un vers de dreyt nien:

Non er de mi ni d'autra gen,

non er d'amore ni de joven,

ni de ren au,

qu'enans fo trobatz en durmen

sobre chevau.

No sai en qual hora'm fuy natz:

No suy alegres ni iratz,

no suy estrayns ni sui privatz,

ni no'n puesc au,

qu'enaissi fuy de nueitz fadatz,

sobr'un pueg au.

Malautz suy e tremi murir,

e ren no'n sai mas quan n'aug dir;

metge querai al mieu albir,

e no sai cau;

bos metges er si'm pot guerir,

mas non, si amau.