MOHAMMAD RAFI, LATA MANGESHKAR, MANNA DAY - Kabhi Hota Bharosa ... Mat Ulajhan Mein Pad Inasaan lyrics

kabhi hota bharosa kabhi hota bharam

pada ulajhan mein hai inasaan

tu hai ya nahin bhagavaan - 2

mat ulajhan mein pad inasaan - 2

tere soche bina jab hota hai sab to samajh le kahin hai bhagavaan

tu hai ya nahin bhagavaan

vo hai agar to kyon na dikhaayi de kaisi ye ulti rit hai

jhuutha hai vo usake jhuuthe hi bhay se jhuutha jagat bhayabhit hai

ghan-ghan garajati huyi ye ghataayein kisaka sunaati git hain

laharaate saagar ki laharon mein guunje kisaka amar sangit hai

jo daata hai sabaka mahaan

diya jisane janam diya jisane ye tan kyon na usako saka tu pahachaan

mat ulajhan mein pad

kyon baalak ki mamata roti hai kyon anahoni jag mein hoti hai

mandir mein dip jalaate hain jo unake ghar ki bujhati jyoti hai kyon

anahoni jag mein hoti hai kyon

jivan-maran haani aur faayada karmon ka phal hai usaka bhi qaayada

inasaan ki kuchh bhi chalati nahin karani apani kabhi talati nahin

bhakti ke bhaav se usako tu jaan le shraddha ki aankhon se usako tu pahachaan le

hota nahin kya achambha bada aakaash kisake sahaare khada

phuulon mein rang jharanon mein tarang dharati mein umang jo uthaata

vo kaun kya tum

baadal mein bijali pahaadon mein phuul jo khilaata

vo kaun kya tum

vo hai sarvashaktimaan kan-kan mein base par na dikhaayi de

usaki shakti ko tu pahachaan

mat ulajhan mein pad