Ignite - In My Time lyrics

dayaar-e-dil ki raat mein charaag sa jala gaya

mila nahin to kya hua wo shaql to dikha gaya

wo dosti to kair ab nasib-e-dushmanaan huyi

wo chhoti chhoti ranjishon ka lutf bhi chala gaya

judaayiyon ke zakm dard-e-zindagi ne bhar diye

tujhe bhi nind aa gayi mujhe bhi sabr aa gaya

pukaarati hain fursatein kahaan gayin wo sohabatein

zamin nigal gayi unhein ya aasamaan kha gaya

ye subaho ki safediyaan ye dopahar ki zardiyaan

ab aayine mein dekhata huun main kahaan chala gaya

ye kis kushi ki ret par gamon ko nind aa gayi

wo lahar kis taraf gayi ye main kahaan chala gaya

gaye dinon ki laash par pade rahoge kab talak

alamkasho utho ki aafataab sar pe aa gaya