Herman Medrano - Schei lyrics

so so na busa, tirame fora

ogni matina me sveio bonora

so so na busa, tirame fora

fasso de tuto pa stare dessora

schei schei schei schei, schei schei schei schei

xente senpre pi tira', inveena',

i poe tiraghene fin che i voe, ma se non ea' va no ea' va

a chi che se ingossa, parche' cueo che passa

o strossa o ingrassa, cossa vuto che ghe fassa?

Ea' vita? Dura, e vista da dessora da na inpalcadura

ea' pare ancora de pi na fregadura

cuei fati de poina, che se alsa anca na paia ghe fa mae

ea schina, e cuei che se sassina

ma-se se inparasse contentasse

ma-se cueo che ciapo me bastasse

ma-se no se poe pi fidasse

co cuei con cui se nasse se finisse pa scanasse

chi pi - chi manco tuti un fia' semo porta'

a pacioear de schei che in realta' no se ga

dai pi veci ai pi cei tuti parla

de machine, mona, calcio, poitica e schei

voria - svejame - on jiorno co dei schei

no tanti, soeo fin ea' ponta dei cavei

tore on aereo e moeaghene fin cuando che ghe n'e'

soeo - pa vedare - el muso - che te fe

tanti o pochi ocio a dove che te i meti,

cossa che cronpi, tento come che te i spendi

parche' pa dee monade se ciapa dee fregade

che no ghe xe pi strade dopo serte saccagnade

assa che i pianza, xe chi no ghe manca el mutuo in banca

pa conprasse ea' barca e ea' vacansa

assa che i rida, xe chi no ghe riva che te sidia

i te toe ea' vita pa invidia

cuatro tangari che se ciucia i lavari

cuatro schei e i torna indrio come i ganbari

i conpra a taiadee, gnente intee scarsee,

in testa massa idee, ea' vita dee scartee

no teo dise cualchedun, ti no te te nincorsi

te tachi fare robe de scondon come i sorsi

come cuei che se xoga schei pa mestiere

i speta ea' volta bona e i ghe fa "toe" a so mujere

varda el tacuin e faghe el terso grado

e se teo cati vodo, te si pica' come on saeado

o in braghe de tea se ea' te pare bea,

na scarsea sensa monea, na motorea sensa missea

i xe tuti co ti co ea' stradea xe in dissesa

ma pa 'ndare su na ponta ea' marmaia se s-ciaresa

na scoresa, de vento, un peo pi forte

no se sa come, de colpo, se sara e porte

e stare al soe xe un ris-cio stare aeonbra te fe mus-cio

e co te rivi a faghene un bel mucio

i ochi tira i oci e ghe tremoea i zanoci

pero' schei fa schei e peoci fa peoci