Canzoni Napoletane - Parlanno Parlanno lyrics

(C. MATTONE)

E 'ncuntràmmoce e dàmmoce 'a mano

si stammo vicine putimmo parlà

e parlanno parlanno parlanno

quanti ccòse se pònno accuncià

quanti ccòse ca sulo si 'e ddice

te fanno fà pace e te fanno scurdà

e parlanno parlanno parlanno

quanti strade se pònno truvà

Viéne ccà e parlammo si avimm' 'a parlà

viéne ccà, pecché ê vvote 'o silenzio tu 'o ssaje

nun se po' suppurtà

Si faje male a 'n amico e 'o vuo' bbène

l' hê 'a dicere "viéne te voglio parlà…"

e parlanno parlanno parlanno

chi ha sbagliato se fa' perdunà

e succède ca pure l' ammore

si nun te ne cure se vótta a stancà…

ma parlanno parlanno parlanno

'e fferite se pònno sanà

Viéne ccà e parlammo si avimm' 'a parlà

viéne ccà, pecché ê vvòte 'o silenzio tu 'o ssaje

nun se po' suppurtà