AMAR PREM movie - Chingari koi bhadke lyrics

Song By KISHORE KUMAR

chingaaree koee bhadake, to saawan use bujhaaye

saawan jo agan lagaaye, use kaun bujhaaye

patajhad jo baag ujaade, wo baag bahaar khilaaye

jo baag bahaar mein ujade, use kaun khilaaye?

hum se mat poochho kaise, mandir tootaa sapanon kaa

logon kee baat naheen hai, ye kissaa hain apanon kaa

koee dushman thhais lagaaye, to meet jiyaa bahalaaye

manameet jo ghaav lagaaye, use kaun mitaye?

naa jaane kyaa ho jaataa, jaane hum kyaa kar jaate

peete hain to zindaa hain, naa peete to mar jaate

duniyaa jo pyaasaa rakhe, to madiraa pyaas bujhaaye

madiraa jo pyaas lagaaye, use kaun bujhaaye?

maanaa toofaan ke aage, naheen chaltaa zor kisee kaa

maujon kaa dosh naheen hai, ye dosh hai aur kisee kaa

majadhaar mein naiyyaa doobe, to majhee paar lagaaye

maajhee jo naaw duboye use kaun bachaaye?

Thanks to Cherry for these lyrics